Reading Time: 3 minutes

ನೇರಳೆ ಹಣ್ಣನ್ನು ತಿನ್ನಿ. ಇದು ನಿಮ್ಮ ಡಯಾಬಿಟಿಸನ್ನು ನಿಯಂತ್ರಿಸಲು ನೆರವಾಗುತ್ತದೆ.

ಡಯಾಬಿಟಿಸ್ ಹೊಂದಿರುವವರು ಜೋಳವನ್ನು ಸೇವಿಸಬೇಡಿ. ನಿಮಗಿದು ಒಳ್ಳೆಯದಲ್ಲ.

ಅನ್ನ ಹೆಚ್ಚಾಗಿ ತಿನ್ನಬೇಡಿ. ಇದು ನಿಮ್ಮ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಹೆಚ್ಚಿಸುತ್ತದೆ.

ಡಯಾಬಿಟಿಸ್ ಕಾಯಿಲೆಯಿಂದ ಬಳಲುತ್ತಿರುವವರು ಯಾವ ಆಹಾರ ಸೇವಿಸಬೇಕು ಮತ್ತು ಯಾವ ಆಹಾರ ಸೇವಿಸಬಾರದು ಎಂಬ ಸಲಹೆಗಳನ್ನು ಜನರಿಂದ ನಿರಂತರವಾಗಿ ಪಡೆಯುತ್ತಿರುತ್ತಾರೆ. ನೀವು ಸೇವಿಸಲೇಬಾರದಂತಹ ರಸವತ್ತಾದ ಹಣ್ಣುಗಳ ಪಟ್ಟಿ ಹೀಗಿರುತ್ತದೆ: ಮಾವಿನಹಣ್ಣು, ಸೀತಾಫಲ, ಸಪೋಟ, ಬಾಳೆಹಣ್ಣು ಮತ್ತು ದ್ರಾಕ್ಷಿಗಳು.

ತಾರ್ಕಿಕವಾಗಿ ಹೇಳುವುದಾದರೆ ಮೇಲೆ ತಿಳಿಸಿರುವ ಹಣ್ಣುಗಳಲ್ಲಿ ಹೇರಳವಾದ ‘ಸಕ್ಕರೆ’ ಅಂಶ ಇರುತ್ತದೆ. ಇದರಿಂದ ಡಯಾಬಿಟಿಸ್ ಹೊಂದಿರುವವರಿಗೆ ತುಂಬಾ ಸಮಸ್ಯೆ ಉಂಟಾಗುತ್ತದೆ. ಹಾಗೆಯೇ, ನಿಮಗೆ ಹಣ್ಣುಗಳು ತುಂಬ ಇಷ್ಟ ಇದ್ದರೂ ಒಲ್ಲದ ಮನಸ್ಸಿನಲ್ಲಿ ಆ ರುಚಿಕರವಾದ ಹಣ್ಣುಗಳನ್ನು ನಿರಾಕರಿಸಬೇಕು. ಆದರೆ ಈಗ ಹಾಗೆ ಮಾಡುವ ಅಗತ್ಯ ಇಲ್ಲ.

ನಮಗೆ ಗೊತ್ತು ಬೇಸಿಗೆಯಲ್ಲಿ ಮಾವಿನ ಹಣ್ಣನ್ನು ಹಾಗೂ ಮಳೆಗಾಲದಲ್ಲಿ ಸೀತಾಫಲವನ್ನು ಸವಿಯುವುದು ನಿಮಗೆ ಇಷ್ಟ ಎಂದು…. ನಮ್ಮ ಹೆಲ್ತ್ ಕೋಚ್, ಜಯಶ್ರೀ ಶಾಲಿನ್, ಅವರು ಈ ನೈಸರ್ಗಿಕ ಹಣ್ಣಿನ ಸಿಹಿಯನ್ನು ಸವಿಯಲು ಡಯಾಬಿಟಿಸ್ ಒಂದು ಕಾರಣವಾಗಬಾರದೆಂದು ನಂಬಿದ್ದಾರೆ.

ಹಾಗಾಗಿ, ಅವರು ತಿಳಿಸುತ್ತಿರುವ ಮಾಡುತ್ತಿರುವ ಪ್ರಭಾವಶಾಲಿ ಆರೋಗ್ಯ ಪ್ರಯೋಜನಗಳನ್ನು ಮತ್ತು ಶಿಫಾರಸ್ಸು ಮಾಡಲಾದ ಸರ್ವಿಂಗ್ ಪ್ರಮಾಣವನ್ನು ತಿಳಿಯೋಣ.

1. ಮಾವಿನ ಹಣ್ಣು:

ಮಾವು ಹಣ್ಣುಗಳ ರಾಜ, ಇದರಲ್ಲಿ ಪೋಷಕಾಂಶಗಳು ಹೇರಳವಾಗಿ ಇರುವುದರಿಂದ ಇದಕ್ಕೆ ರಾಜನ ಸ್ಥಾನಮಾನ ಸಿಕ್ಕಿದೆ. ಮಾವಿನ ಹಣ್ಣಿನಲ್ಲಿರುವ ಬೀಟಾ-ಕ್ಯಾರೋಟಿನ್ ಅಂಶವು ನಿಮ್ಮ ಕಣ್ಣಿನ ಆರೋಗ್ಯಕ್ಕೆ ಒಳ್ಳೆಯದು. ಈ ಅಂಶ ನಿಮ್ಮ ದೇಹ ಸೇರುವುದರಿಂದ ಬೇಸಿಗೆಯ ಬಿಸಿಲಿನಲ್ಲಿ ನಿಮ್ಮ ಚರ್ಮದ ನೀರಿನಾಂಶ ಕಡಿಮೆಯಾಗುವುದಿಲ್ಲ. ಇದಲ್ಲದೆ, ಮಾವಿನ ಹಣ್ಣಿನಲ್ಲಿ ಹೇರಳವಾಗಿ ವಿಟಮಿನ್ ಸಿ ಇರುತ್ತದೆ. ವಿಟಮಿನ್ ಸಿ ನಿಮ್ಮ ದೇಹದಲ್ಲಿ ಕೊಲಾಜೆನ್ ಉತ್ಪತ್ತಿ ಮಾಡುತ್ತದೆ. ಕೊಲಾಜೆನ್ ನಿಮ್ಮ ಚರ್ಮದ ವಿನ್ಯಾಸವನ್ನು ನಿಯಂತ್ರಿಸುತ್ತದೆ ಹಾಗು ಚರ್ಮಕ್ಕೆ ಹೊಳಪನ್ನು ಕೊಡುತ್ತದೆ. ಮಾವಿನ ಹಣ್ಣಿನಲ್ಲಿ ಗ್ಯಾಲೋಟಾನಿನ್‌ಗಳು, ಕ್ವೆರ್ಸೆಟಿನ್ ಮತ್ತು ಮ್ಯಾಂಗಿಫೆರಿನ್‌ಗಳು ಹೇರಳವಾಗಿರುತ್ತವೆ. ಈ ಫೈಟೊನ್ಯೂಟ್ರಿಯೆಂಟ್‍ಗಳಿಂದ ನಿಮ್ಮ ಜ್ಞಾಪಕಶಕ್ತಿ ಹಾಗು ಏಕಾಗ್ರತೆ ಹೆಚ್ಚಾಗುತ್ತದೆ ಹಾಗೆಯೇ ರಕ್ತದ ಒತ್ತಡ ಮತ್ತು ಕೊಲೆಸ್ಟರಾಲನ್ನು ಸಹ ಕಡಿಮೆ ಮಾಡುತ್ತದೆ.

ಶಿಫಾರಸ್ಸು ಮಾಡಲಾದ ಹಣ್ಣಿನ ಪ್ರಮಾಣ ಮತ್ತು ಅದನ್ನು ತಿನ್ನಲು ಒಳ್ಳೆಯ ಸಮಯ:

ನೀವು ವಾರಕ್ಕೆ ಎರಡು ಸಲ ಮಧ್ಯಮ ಗಾತ್ರದ ಅರ್ಧ ಮಾವಿನ ಹಣ್ಣನ್ನು ಬೆಳಿಗ್ಗೆ ಸುಮಾರು ಒಂಬತ್ತು ಅಥವಾ ಹತ್ತು ಗಂಟೆಗೆ ತೆಗೆದುಕೊಳ್ಳಬಹುದು. ಇದರ ಜೊತೆಗೆ ಒಂದುವರೆ ವಾಲ್ನಟ್‌ಗಳನ್ನು ಸೇವಿಸಿ. ಇದನ್ನು ಸೇವಿಸುವುದರಿಂದ ನಿಮ್ಮ ದೇಹಕ್ಕೆ ಅಗತ್ಯವಿರುವ ಕೊಬ್ಬು ಸಿಗುತ್ತದೆ ಹಾಗೂ ರಕ್ತದ ಸಕ್ಕರೆ ಮಟ್ಟದ ಏರಿಕೆಯನ್ನು ತಡೆಯುತ್ತದೆ

2. ಬಾಳೆ ಹಣ್ಣು:

ಕ್ರೀಡಾಪಟುಗಳ ನೆಚ್ಚಿನ ಹಣ್ಣು ಬಾಳೆಹಣ್ಣು. ಬಾಳೆಹಣ್ಣು ತುಂಬಾ ಅನುಕೂಲಕರ ಹಾಗೂ ಪೌಷ್ಟಿಕ ತಿಂಡಿ. ಬಾಳೆಹಣ್ಣಿನಲ್ಲಿ ಹೆಚ್ಚಾಗಿ ಪೊಟ್ಯಾಸಿಯಮ್ ಇರುತ್ತದೆ, ಪೊಟ್ಯಾಸಿಯಮ್ ನಿಮ್ಮ ರಕ್ತದ ಒತ್ತಡವನ್ನು ನಿಯಂತ್ರಿಸಲು ಹಾಗೂ ನಿಮ್ಮ ಮೂತ್ರಪಿಂಡಗಳು ಸರಿಯಾಗಿ ಕೆಲಸ ಮಾಡಲು ಸಹಾಯ ಮಾಡುತ್ತದೆ. ಬಾಳೆಹಣ್ಣುಗಳಲ್ಲಿ ವಿಟಮಿನ್ B6 ಇರುತ್ತದೆ, ಇದು ಹೃದಯದ ಅಪಧಮನಿಗಳಿಗಾಗುವ ಅಪಾಯವನ್ನು ತಪ್ಪಿಸುತ್ತದೆ, ಇದರಿಂದ ಹೃದಯರೋಗದ ಸಾಧ್ಯತೆಗಳು ಕೂಡ ಕಡಿಮೆಯಾಗುತ್ತವೆ. ಬಾಳೆಹಣ್ಣು ಫೈಬರ್ ಮತ್ತು ರೆಸಿಸ್ಟೆಂಟ್ ಸ್ಟಾರ್ಚ್‍ಗಳನ್ನು ಹೊಂದಿರುತ್ತವೆ, ಹಾಗಾಗಿ ಬಾಳೆಹಣ್ಣು ನಿಮ್ಮ ಕರುಳಿನ ಬ್ಯಾಕ್ಟೀರಿಯಗಳನ್ನು ಕೊಂದು, ನಿಮ್ಮನ್ನು ಕರುಳಿನ ಕ್ಯಾನ್ಸರ್‌ ರೋಗದ ಅಪಾಯದಿಂದ ತಪ್ಪಿಸುತ್ತದೆ.

ಶಿಫಾರಸ್ಸು ಮಾಡಲಾದ ಹಣ್ಣಿನ ಪ್ರಮಾಣ ಮತ್ತು ಅದನ್ನು ತಿನ್ನಲು ಒಳ್ಳೆಯ ಸಮಯ:

ವ್ಯಾಯಾಮ ಮಾಡುವವರು ಮತ್ತು ಕ್ರೀಡಾಪಟುಗಳು, ವಾರಕ್ಕೊಮ್ಮೆ ವ್ಯಾಯಾಮ ಮಾಡುವುದಕ್ಕಿಂತ ಮುಂಚೆ ಒಂದು ಸಣ್ಣ ಬಾಳೆಹಣ್ಣನ್ನು ಸೇವಿಸಬಹುದು. ಬಾಳೆಹಣ್ಣಿನಲ್ಲಿರುವ ಕಾರ್ಬೋಹೈಡ್ರೇಟ್‌ಗಳು ನಿಮ್ಮ ದೇಹಕ್ಕೆ ಶಕ್ತಿ ನೀಡುತ್ತವೆ

3. ಸೀತಾಫಲ:

ಸೀತಾಫಲ ಸಾಕಷ್ಟು ತಿರುಳನ್ನು ಹೊಂದಿರುವ ಉಷ್ಣವಲಯದ ಹಣ್ಣು. ಸೀತಾಫಲ ಹಣ್ಣಿನಲ್ಲಿ ತುಂಬಾ ಪೌಷ್ಟಿಕಾಂಶ ಇರುತ್ತದೆ ಜೊತೆಗೆ ರಸವತ್ತಾದ ಹಣ್ಣು ಕೂಡ ಹೌದು. ಇದರಲ್ಲಿ ಅಸಿಟೋಜೆನಿನ್‌ಗಳು ಮತ್ತು ಆಲ್ಕಲಾಯ್ಡ್‌ಗಳು ಹೇರಳವಾಗಿ ಇರುತ್ತವೆ. ಸೀತಾಫಲದಲ್ಲಿರುವ ಈ ಬಯೋಕಾಂಪೌಂಡ್ಸ್‌ಗಳು ಶ್ವಾಸಕೋಶ, ಸ್ತನ, ಪ್ರೋಸ್ಟೇಟ್‌ ಮತ್ತು ಪ್ಯಾಂಕ್ರಿಯಾಟಿಕ್ ಕ್ಯಾನ್ಸರ್‌ಗಳ ಅಪಾಯವನ್ನು ತಪ್ಪಿಸಲು ನೆರವಾಗಬಹುದು. ಸೀತಾಫಲದಲ್ಲಿ ಬಿ – ಕಾಂಪ್ಲೆಕ್ಸ್ ವಿಟಮಿನ್‌ಗಳು ಹೆಚ್ಚಿನ ಪ್ರಮಾಣದಲ್ಲಿ ಇರುತ್ತವೆ, ಈ ವಿಟಮಿನ್‌ಗಳು ನಿಮ್ಮ ಮೆಟಬಾಲಿಸಮನ್ನು ಹೆಚ್ಚಿಸುತ್ತವೆ ಮತ್ತು ಒತ್ತಡ ಹಾಗು ಖಿನ್ನತೆಯ ಸಮಸ್ಯೆಯನ್ನು ನಿವಾರಿಸುತ್ತವೆ. ಸೀತಾಫಲದಲ್ಲಿ ಕಾಪರ್‌ನ ಅಂಶ ಇರುತ್ತದೆ ಹಾಗಾಗಿ ಇದು ನಿಮ್ಮ ದೇಹದಲ್ಲಿ ಕೆಂಪು ರಕ್ತದ ಕಣಗಳನ್ನು ಹೆಚ್ಚಿಸುತ್ತದೆ ಮತ್ತು ನಿಮ್ಮ ಮೂಳೆಗಳನ್ನು ಮತ್ತಷ್ಟು ಬಲಪಡಿಸುತ್ತದೆ.

ಶಿಫಾರಸ್ಸು ಮಾಡಲಾದ ಹಣ್ಣಿನ ಪ್ರಮಾಣ ಮತ್ತು ಅದನ್ನು ತಿನ್ನಲು ಒಳ್ಳೆಯ ಸಮಯ:

ನೀವು ವಾರಕ್ಕೆ ಎರಡು ದಿನ ಮಧ್ಯಮ ಗಾತ್ರದ ಅರ್ಧ ಸೀತಾಫಲ ಹಣ್ಣನ್ನು ಬೆಳಿಗ್ಗೆ ಸುಮಾರು ಒಂಬತ್ತು ಅಥವಾ ಹತ್ತು ಗಂಟೆಗೆ ತೆಗೆದುಕೊಳ್ಳಬಹುದು. ಇದರ ಜೊತೆಗೆ ಒಂದು  ಮುಷ್ಠಿ ಹುರಿದ ಕಡಲೆ ಸೇವಿಸಿ. ಹೆಚ್ಚು ಪ್ರೋಟೀನ್ ಇರುವ ಕಡಲೆ ನಿಮ್ಮ ರಕ್ತದಲ್ಲಿನ ಸಕ್ಕರೆ ಮಟ್ಟದ ಏರಿಕೆಯನ್ನು ತಡೆಯಲು ಸಹಾಯ ಮಾಡುತ್ತದೆ.

4. ಸಪೋಟ:

ಸಪೋಟ, ಇದು ಕಾಳಿನ ವಿನ್ಯಾಸದೊಂದಿಗೆ ಸಾಕಷ್ಟು ತಿರುಳನ್ನು ಹೊಂದಿರುವ ಕಂದು ಬಣ್ಣದ ಹಣ್ಣು. ಸಪೋಟ ಹಣ್ಣಿನಲ್ಲಿ ನೈಸರ್ಗಿಕವಾದ ಸಿಹಿ ಹೇರಳವಾಗಿರುತ್ತದೆ. ಸಪೋಟದಲ್ಲಿರುವ ಹೆಚ್ಚಿನ ಫೈಬರ್ ನಿಮ್ಮ ಜೀರ್ಣಕ್ರಿಯೆಯ ಎಲ್ಲಾ ಸಮಸ್ಯೆಗಳನ್ನು ನಿವಾರಿಸುತ್ತದೆ, ಅದರಲ್ಲೂ ಮಲಬದ್ಧತೆ ಮತ್ತು ಕರುಳಿನ ಸಮಸ್ಯೆಗಳಿಗೆ ಇದು ಹೆಚ್ಚು ಉಪಕಾರಿಯಾಗಿದೆ. ಸಪೋಟದಲ್ಲಿರುವ ಹೇರಳವಾದ ಟ್ಯಾನಿನ್‌ಗಳು ಪ್ರಭಾವಶಾಲಿ ಆ್ಯಂಟಿವೈರಲ್, ಆ್ಯಂಟಿಇನ್‌ಫ್ಲಮೇಟರಿ ಮತ್ತು ಆ್ಯಂಟಿಬ್ಯಾಕ್ಟೀರಿಯಾ ಗುಣಲಕ್ಷಣವನ್ನು ಹೊಂದಿವೆ. ಇವು ವಿಶೇಷವಾಗಿ ಹವಮಾನ ಬದಲಾದಾಗ ಆಗುವ ಶೀತ ಮತ್ತು ಕೆಮ್ಮನ್ನು ತಡೆಗಟ್ಟುತ್ತವೆ. ಸಪೋಟದಲ್ಲಿರುವ ವಿಟಮಿನ್ ಮತ್ತು ಖನಿಜಾಂಶಗಳು ಮೂಳೆಯ ಮಿನೆರಲ್ ಡೆನ್ಸಿಟಿ ಹಾಗು ಶಕ್ತಿಯನ್ನು ಹೆಚ್ಚಿಸುತ್ತವೆ.

ಶಿಫಾರಸ್ಸು ಮಾಡಲಾದ ಹಣ್ಣಿನ ಪ್ರಮಾಣ ಮತ್ತು ಅದನ್ನು ತಿನ್ನಲು ಒಳ್ಳೆಯ ಸಮಯ:

ನೀವು ವಾರಕ್ಕೆ ಎರಡು ದಿನ ಮಧ್ಯಮ ಗಾತ್ರದ ಸಪೋಟ ಹಣ್ಣನ್ನು ವ್ಯಾಯಾಮದ ಮುಂಚೆ ತೆಗೆದುಕೊಳ್ಳಬಹುದು. ಇದರ ಜೊತೆಗೆ ಮೂರು ಅಥವಾ ನಾಲ್ಕು ಬಾದಾಮಿ ತಿನ್ನಿ. ಇದರಲ್ಲಿರುವ ಕಾರ್ಬ್ ಮತ್ತು ಕೊಬ್ಬಿನ ಸಂಯೋಜನೆ ನಿಮ್ಮ ಶಕ್ತಿಯನ್ನು ಹೆಚ್ಚಿಸುತ್ತದೆ ಮತ್ತು ನಿಮ್ಮ ಕೊಬ್ಬನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

5. ದ್ರಾಕ್ಷಿ ಹಣ್ಣು:

ದ್ರಾಕ್ಷಿ ತುಂಬ ರುಚಿಯಾದ ಹಣ್ಣು, ದ್ರಾಕ್ಷಿ ತಿನ್ನುವುದರಿಂದ ದೇಹ ಬೇಗನೆ ರಿಫ್ರೆಶ್ ಆಗುತ್ತದೆ. ದ್ರಾಕ್ಷಿಯಲ್ಲಿ ಫ್ಲೇವನಾಯ್ಡ್‌ಗಳಾದ ಕ್ವೆರ್ಸೆಟಿನ್ ಮತ್ತು ರೆಸ್ವೆರಾಟ್ರೊಲ್ ಜಾಸ್ತಿ ಇರುತ್ತವೆ. ಇವು LDL ಮಟ್ಟವನ್ನು ಕಡಿಮೆಮಾಡುವುದಲ್ಲದೇ, ದೇಹದಲ್ಲಿ ಪ್ಲಾಕ್‌ ಶೇಖರಣೆಯಾಗುವುದನ್ನು ತಪ್ಪಿಸುತ್ತವೆ. ಆಗ ಹೃದಯದ ರಕ್ತನಾಳದ ಕಾಯಿಲೆಗಳ ಅಪಾಯ ಕೂಡ ಕಡಿಮೆಯಾಗುತ್ತದೆ. ಇದಲ್ಲದೆ, ದ್ರಾಕ್ಷಿಯಲ್ಲಿ ಪಾಲಿಫಿನಾಲ್‌ಗಳು ಹೇರಳವಾಗಿ ಇರುತ್ತವೆ, ಅವು ಕೀಲುಗಳ ಬಾಗುವಿಕೆ ಹಾಗೂ ಚಲನಶೀಲತೆಯನ್ನು ಸುಧಾರಿಸುತ್ತವೆ, ವಿಶೇಷವಾಗಿ ಮೊಣಕಾಲುಗಳಿಗೆ ದ್ರಾಕ್ಷಿಯ ಪಾಲಿಫಿನಾಲ್‌ಗಳು ತುಂಬಾ ಸಹಕಾರಿಯಾಗಿವೆ. ದ್ರಾಕ್ಷಿಯಲ್ಲಿ ಇರುವ ಅಧಿಕ ನೀರಿನ ಅಂಶವು ದೇಹದಿಂದ ಟಾಕ್ಸಿನ್‍ಗಳನ್ನು ಹೊರಹಾಕಲು ಸಹಾಯ ಮಾಡುತ್ತವೆ.

ಶಿಫಾರಸ್ಸು ಮಾಡಲಾದ ಹಣ್ಣಿನ ಪ್ರಮಾಣ ಮತ್ತು ಅದನ್ನು ತಿನ್ನಲು ಒಳ್ಳೆಯ ಸಮಯ:

ನೀವು ಒಂದು ವಾರದಲ್ಲಿ ಎರಡು ಬಾರಿ, ಹತ್ತರಿಂದ ಹನ್ನೆರಡು ದ್ರಾಕ್ಷಿ ಹಣ್ಣುಗಳನ್ನು ಬೆಳಿಗ್ಗೆ ಸುಮಾರು ಒಂಬತ್ತು ಅಥವಾ ಹತ್ತು ಗಂಟೆಗೆ ತೆಗೆದುಕೊಳ್ಳಬಹುದು. ಅದರ ಜೊತೆಗೆ ಒಂದು ಚಮಚದಷ್ಟು ಅಗಸೆಬೀಜ ಅಥವಾ ಕುಂಬಳಕಾಯಿ ಬೀಜಗಳನ್ನು ತಿನ್ನಿ. ಫೈಬರ್ ಭರಿತ ಬೀಜಗಳು ಮತ್ತು ದ್ರಾಕ್ಷಿಗಳ ಸಂಯೋಜನೆ ನಿಮ್ಮ ನಾಲಿಗೆಗೆ ಸಂತೋಷವನ್ನು ನೀಡುತ್ತವೆ.

Loved this article? Don't forget to share it!

Disclaimer: The information provided in this article is for patient awareness only. This has been written by qualified experts and scientifically validated by them. Wellthy or it’s partners/subsidiaries shall not be responsible for the content provided by these experts. This article is not a replacement for a doctor’s advice. Please always check with your doctor before trying anything suggested on this article/website.